Viðskipti innlent

Skilanefnd Glitnis veit engin deili á stærsta erlenda kröfuhafanum

Skilanefnd Glitnis veit engin deili á Burlington Loan Management sem er stærsti erlendi kröfuhafi bankans samkvæmt kröfuhafaskrá sem sett var á netið í gærkvöldi. Samtals nema kröfur Burlington hátt í 150 milljarða kr.

 

Árni Tómasson formaður skilanefndar segir í samtali við fréttastofu að fulltrúar frá Burlington hafi hingað til ekki sett sig í samband við skilanefndina né eigi þeir sæti í kröfuhafaráðinu þrátt fyrir að vera stærsti erlendi kröfuhafinn. Árni segist engar upplýsingar hafa um Burlington.

 

Upplýsingar um Burlington Loan Management eru einnig takmarkaðar á netinu en þó má sjá að félagið/sjóðurinn hefur skráð sig til heimilis í Dublin á Írlandi.

 

„Það er rétt að fram komi að erlendir sem innlendir kröfurhafar hafa enga beina aðild að Íslandsbanka næstu tvö árin," segir Árni. „Á þeim tíma mun kjölfestufjárfestir fyrir bankann verða fundinn."

 

Burlington setur fram kröfur sínar í einum tuttugu liðum í kröfuhafaskránni og einn heimildarmaður fréttastofu sagði í morgun að þetta benti til þess að Burlington væri líklega með kröfurnar í höndum fyrir aðra aðila. Þá væri einsýnt að Burlington hefði eignast kröfur sínar eftir að Glitnir komst í þrot í fyrrahaust.






Tengdar fréttir

Birna gerir 12,5 milljóna kröfu í þrotabú Glitnis

Birna Einarsdóttir, bankastjóri Íslandsbanka, er ein af fjölmörgum fyrrverandi starfsmönnum Glitnis sem gerir kröfu í þrotabú bankans. Samkvæmt kröfuhafalista Glitnis sem fréttastofa hefur undir höndum nema kröfur Birnu rétt tæpum 12,5 milljónum króna.

Landsbankinn með hæstu kröfurnar í Glitni

Landsbankinn gerir hæstu kröfurnar í Glitni af innlendum aðilum eða samtals tæplega 140 milljarða kr. Hinsvegar á Glitnir í Lúixemborg stærstu einstöku kröfuna en hún hljóðar upp á 126,4 milljarða kr.

Félag í eigu Bjarna krefst 130 milljóna úr búi Glitnis

Sjávarsýn ehf., félag í eigu Bjarna Ármannssonar, gerir 129,5 milljóna króna kröfu í þrotabú Glitnis. Þetta kemur fram í kröfuskrá bankans sem birt var kröfuhöfum í nótt. Krafan fellur undir almennar kröfur. Bjarni var bankastjóri Glitnis til ársins 2007.

Tæplega 8.700 kröfum lýst í þrotabú Glitnis

Allir sem sátu í framkvæmdastjórn Glitnis, fram að gjaldþroti bankans fyrir rúmu ári, gera kröfur í þrotabú hans en tæplega 8.700 kröfum var lýst í búið, samkvæmt tilkynningu frá Slitastjórn Glitnis í gærkvöldi.

Bjarni krefst samtals 210 milljóna úr þrotabúi Glitnis

Bjarni Ármannsson krefst samtals 210 milljóna króna úr þrotabúi Glitnis banka, samkvæmt kröfuhafalista bankans sem fréttastofa hefur undir höndum. Kröfuna gerir Bjarni í gegnum tvö félög sín, 130 milljónir í gegnum Sjávarsýn ehf. og 80 milljónir í gegnum Landsýn ehf. Kröfurnar eru tilkomnar vegna skuldabréfa.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið