Annar íslenskur sigur

Ísland vann tveggja marka sigur á Sviss, 31-29, í æfingalandsleik í handbolta kvenna á Selfossi í kvöld.

Þetta var í annað sinn á jafn mörgum dögum sem liðin mætast en þriðji leikur liðanna verður í íþróttahúsinu í Austurbergi annað kvöld. Í gær vann Ísland einnig tveggja marka sigur á Sviss.

Harpa Sif Eyjólfsdóttir skoraði átta mörk fyrir Ísland í kvöld og Hrafnhildur Skúladóttir sjö. Íris Ásta Pétursdóttir skoraði fimm mörk en alls komust ellefu leikmenn liðsins á blað í kvöld.