Ók á 188 á Reykjanesbraut

Í hádeginu var ökumaður stöðvaður á Reykjanesbrautinni á 188 kílómetra hraða, þar sem hámarkshraðinn er 90. Hann reyndist einnig vera ölvaður við aksturinn. Hann var færður á lögreglustöðina við Hringbraut þar sem hann var sviptur ökuréttindum til bráðabirgða.

Ökumaður var stöðvaður fyrir of hraðan akstur í Reykjanesbæ í morgun. Hann mældist á 95 km/klst. þar sem hámarkshraðinn er 50 km/klst.. Hann reyndist einnig vera ölvaður við aksturinn og hafa tekið bifreiðina ófrjálsri hendi. Hann var færður á lögreglustöðina við Hringbraut, þar sem hann var sviptur ökuréttindum til bráðabirgða.

Tveir aðrir ökumenn voru teknir fyrir of hraðan akstur á Reykjanesbrautinni í dag. Þeir mældust á 116 og 118 km/klst. þar sem hámarkshraðinn er 90 km/klst. Annar ökumaðurinn greiddi sekt sína á staðnum kr. 37.500.