Viðskipti innlent

GGE: Nýr forstjóri og eignir seldar

Stjórn Geysis Green Energy hefur, í samráði við viðskiptabanka félagsins, tekið ákvörðun um að vinna markvisst að lækkun skulda félagsins með sölu eigna þess á næstu misserum. Í tengslum við þá stefnumótun hefur Ásgeir Margeirsson ákveðið að hætta sem forstjóri félagsins. Alexander K. Guðmundsson, fjármálastjóri Geysis, hefur verið ráðinn í hans stað.

Ásgeir segir að hann hafi tilkynnt það fyrir nokkru að kæmi sú staða upp að eignir yrðu seldar þá teldi hann sig ekki rétta aðilann í að leiða það ferli. „Ég hef unnið að vexti og uppgangi Geysis allt frá því félagið var stofnað og tel eðlilegt að aðrir beri ábyrgð á þeirri vinnu sem nú er framundan. Því varð að samkomulagi milli mín og stjórnar félagsins að ég léti af störfum. Ég óska nýjum forstjóra velfarnaðar í starfi og þakka stjórn og starfsmönnum Geysis ánægjulegt samstarf á liðnum árum," segir Ásgeir Margeirsson, fráfarandi forstjóri.

„Það er ekkert leyndarmál að nokkrir af helstu eigendum félagsins urðu illa úti í bankahruninu og hafa því ekki getað stutt sem skyldi við bakið á félaginu. Þá gerir staðan á fjármálamörkuðum okkur erfitt um vik að fjármagna Geysi eins og við helst kysum. Þess vegna var ákveðið að lækka skuldir félagsins með sölu eigna Geysis og mun það verkefni verða unnið í fullu samráði við viðskiptabanka félagsins á næstu misserum," segir Alexander K. Guðmundsson, nýr forstjóri.













Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
2,77
18
654.460
VIS
1,62
15
256.765
SYN
1,21
6
15.650
REITIR
0,83
8
71.159
SIMINN
0,65
4
127.431

Mesta lækkun dagsins


Félag
Br.%
Fjöldi
Velta*
BRIM
-2,09
4
148.355
TM
-1,96
6
144.833
ICESEA
-1,12
3
19.596
REGINN
-1,06
3
134.733
SKEL
-1,04
11
253.157
Velkomin á Vísi. Þessi vefur notar vafrakökur. Sjá nánar.