Verja minna fé til eldflaugavarna

Fjárhagsáætlun Bandaríkjahers gerir ráð fyrir að minna fé verði varið til eldflaugavarna og dýrari varnarmála en meiru eytt í aðgerðir gegn uppreisnarmönnum í Írak og Afganistan. Þetta kom fram í ræðu sem Robert Gates varnarmálaráðherra hélt í gær. Auk þess kom fram í ræðu Gates að stefnt væri að því að hætta framleiðslu F-22 orrustuþotunnar á árinu þegar þær 187, sem enn á eftir að framleiða, hafa litið dagsins ljós. Gates sagði Bandaríkin þegar hafa nægar varnir gegn eldflaugaárás, til dæmis frá Norður-Kóreu.