Birkir framlengdi við Viking

Birkir Bjarnason hefur skrifað undir nýjan samning við norska úrvalsdeildarfélagið Viking í Stafangri. Nýr samningur hans gildir til 2011.

Birkir hafði hafnað fyrra tilboði Viking en hann var í láni hjá Bodö/Glimt sem einnig leikur í norsku úrvalsdeildinni á síðustu leiktíð. Þar þótti hann standa sig afar vel.

Forráðamenn Viking vonast til að hann haldi uppteknum hætti í búningi félagsins en í samtali við heimasíðu Viking segist Birkir ákveðinn í að berjast af krafti fyrir sæti í liðinu.