Valur
FH
Dómari við Héraðsdóm Reykjavíkur ákvað að fresta því að taka afstöðu til óskar Baugs Group hf. um að félagið og önnur fyrirtæki því tengd fái greiðslustöðvun. Hjá dómara kom fram að honum þætti málið óljóst og enn óljósara væri hvað Baugsmenn hyggðust fyrir með fyrirtækið í framtíðinni.
Hann tók til þess að allar upphæðir í málsgögnum væru frá síðasta hausti og fær fyrirtækið því frest fram á þriðjudag til þess að bæta úr því og setja fram raunhæfari hugmyndir um hvað gera á með fyrirtækið.
Dómstóll í London hefur fallist á beiðni skilanefndar Landsbankans um greiðslustöðvun hjá BG Holding félagi Baugs í London. Jafnframt hefur PriceWaterhouseCoopers verið skipað sem stjórnendur félagsins meðan á greiðslustöðvuninni stendur.
Stjórn Baugs hefur dregið til baka beiðni um greiðslustöðvun BG Holding ehf. á Íslandi. Þetta kemur fram í tilkynningu frá skilanefnd Landsbankans.
Ákvörðun um að afturkalla beiðni um greiðslustöðvun hjá BG Holding hér á landi var tekin til að lágmarka tjón í rekstri fyrirtækja í eignasafni Baugs. Ákvörðunin um afturköllun beiðni BG Holding mun engin áhrif hafa á aðrar umsóknir Baugs eða dótturfélaga þess.
