Hannes Jón markahæstur

Hannes Jón Jónsson skoraði sjö mörk og var markahæstur sinna manna í Hannover-Burgdorf sem vann sigur á b-liði Magdeburg í þýsku B-deildinni í handbolta í gær.

Hannover-Burgdorf vann leikinn, 30-24, eftir að hafa verið með tveggja marka forystu í hálfleik, 15-13.

Heiðmar Felixsson skoraði tvö mörk fyrir liðið. Robertas Pauzuolis, fyrrum leikmaður Selfoss og Hauka, skoraði fjögur mörk og Andrius Stelmokas, fyrrum leikmaður KA, þrjú.

Þá rétt marði Lübbecke sigur á botnliði Anhalt Bernburg, 34-33, á útivelli í gær. Lübbecke er sem fyrr í efsta sæti riðilsins með 54 stig, níu stigum á undan Hamm.

Hannover-Burgdorf er svo í þriðja sæti riðilsins með 43 stig, tveimur á eftir HAmm.