Selfyssingar kórónuðu frábært sumar hjá sér með því að vinna 4-2 sigur gegn ÍA í lokaleik sínum í 1. deild karla og hömpuðu fyrir vikið deildarmeistaratitlinum.
Andri Júlíusson kom ÍA yfir í fyrri hálfleik en Selfyssingar svöruðu með fjórum mörkum í röð í síðari hálfleik en Jón Guðbrandsson skoraði tvö mörk og Henning Jónasson og Sævar Þór Gíslason skoruðu eitt mark hvor.
Skagamenn náðu svo að klóra aðeins í bakkann með marki Pálma Haraldssonar í blálokin.
Sævar Þór varð markakóngur 1. deildar með 19 mörk í 21 leik sem er sannarlega frábær árangur.
Úrslit dagsins:
Selfoss-ÍA 4-2
HK-KA 2-3
Víkingur R.-ÍR 4-1
Þór-Haukar 2-3
Víkingur Ó.-Fjarðabyggð 1-1
Leiknir R.-Afturelding 3-2
