Kiel mætir Löwen í Meistaradeildinni

Búið er að draga í undanúrslit Meistaradeildar Evrópu í handbolta. Alfreð Gíslason og félagar í þýska liðinu Kiel lentu á móti Guðjóni Val og félögum í Rhein-Neckar Löwen og Ólafur Stefánsson og hans menn í Ciudad Real mæta þýska liðinu Hamburg.

Það verða Kiel og Hamburg sem byrja á heimavelli, en leikið er heima og heiman. Fyrri leikirnir fara fram dagana 22.-26. apríl og síðari leikirnir viku síðar.

Í Evrópukeppni bikarhafa mætast Kadetten Schaffhausen frá Sviss og Þýska liðið Nordhorn annars vegar og hinsvegar Amicitia Zurich og Valladolid hins vegar.

Í EHF keppninni mætast Gorenje Valenje frá Slóveníu og Otmar St. Gallen frá Sviss og hinsvegar Gummersbach og BM Aragón frá Spáni.

Í áskorendakeppninni mætast loks Besiktas Istanbul frá Tyrklandi og VS Resita og hinsvegar Suceava og Bern.