Fram með annan fótinn í úrslitakeppninni

Kvöldið spilaðist vel fyrir Framara. Þeir lögðu Víking að velli á sama tíma og FH tapaði fyrir Val. Fram er því komið með annan fótinn í úrslitakeppnina en von FH er orðin veik.

Haukar, Valur og HK eru örugg í úrslitakeppnina en baráttan um lokasætið í úrslitakeppninni er á milli Fram og FH.

Það eru aðeins tvær umferðir eftir af deildarkeppninni og munurinn á liðunum þrjú stig. Fram tekur á móti FH í næstu umferð og þar er einfaldlega allt undir hjá FH sem verður að vinna.

Í lokaumferðinni á Fram síðan fyrir höndum erfiðan leik á Akureyri á meðan FH tekur á móti Víkingi.

Úrslit kvöldsins:

FH-Valur 27-32

Fram-Víkingur 36-28

HK-Stjarnan 24-22

Staðan í N1-deildinni.