Endurskipulagning bankakerfisins afar mikilvæg

Formenn Framsóknarflokksins og Samfylkingarinnar telja eitt af mikilvægustu verkefnunum sem tilvonandi ríkisstjórn stendur frammi fyrir vera að endurreisa bankakerfið. Þetta kom fram í formannaþættinum Hvernig á að bjarga Íslandi á Stöð 2 í kvöld.

Sigmundur sagði jafnframt að stærsta málið væri að leiðrétta skuldir fyrirtækja og fjölskyldna. Aðspurður sagði hann ekki um mismun að ræða og að tillaga Framsóknarflokksins fæli í sér að það sama gangi yfir alla.

Jóhanna sagðist aðspurð ekki útiloka skattahækkanir. Þá sagði hún að þegar kæmi að niðurskurði í velferðarkerfinu væri mikilvægast að forgangsraða á réttlátan og nýja vegu. Það væri vel hægt. Það hafi hún gert í félagsmálaráðuneytinu.