Viðskipti innlent

Heimilar samruna Nýja Kaupþings og Exista Properties

Samkeppniseftirlitið sér ekkert athugavert við samruna Nýja Kaupþings banka hf. og Exista Properties ehf. og kaup á tilteknum fasteignum Landic Íslands ehf.

Segir í niðurstöðu eftirlitsins um málið að athugun þess gefi ekki til kynna að samruninn muni raska samkeppni.

Niðurstaðan er eftirfarandi: „Með kaupsamningi, dags. 30. september 2008, keypti Kaupþing banki hf. allt hlutafé Exista Properties ehf. Með kaupsamningi, dags. 2. október 2008, keypti Kaupþing banki hf. og Sætún 8 ehf. tilteknar fasteignir í eigu Landic Íslands ehf.

Eignarhlutur Kaupþings banka hf. í Exista Properties ehf. og framangreindar fasteignir voru framseldar til Nýja Kaupþings banka hf. í október 2008. Samkeppniseftirlitið telur að ekki sé ástæða til að aðhafast frekar vegna samrunans á grundvelli 17. gr. samkeppnislaga."



Mest lesið


Fleiri fréttir

Sjá meira


×

Mest lesið