Lífvörður Baggers skotinn

Lífvörður fjársvikamannsins Steins Bagger, Hells Angels liðinn Brian Sandberg, var skotinn skömmu eftir eitt í dag. Hann fékk tvö skot í bakið þar sem hann sat á kaffihúsi. Að sögn danska blaðsins Extrabladet er ekki vitað um líðan hans.

Árásin átti sér stað á Ny Østergade í miðborg Kaupmannahafnar á kaffihúsinu Joe and the Juice. Árásarmennirnir, sem eru sagðir innflytjendur, skutu Sandberg gegnum glugga kaffihússins og flúðu svo í áttina að Strikinu. Þeir hafa ekki fundist.