Sprengingar við Valhöll

Lögreglan á höfuðborgarsvæðinu fékk tilkynningu um flugelda rétt fyrir tvö leytið í nótt. Sá sem hafði samband við lögreglu sagði sprengignarnar koma frá Háaleitsbraut en þegar lögregla kom á svæðið var ekkert að sjá.

Vísir fékk hinsvegar senda mynd frá því í nótt af Valhöll, höfuðstöðvum Sjálfstæðisflokksins, um svipað leyti þar sem nokkurskonar tívolíbomba var sprengd með miklum látum. Að sögn nágranna olli bomban töluverðum hávaða og stóð yfir í um fimm mínútur.

Ekki er vitað um neinar skemmdir á húsinu.

Annars fór skemmtanahald næturinnar rólega fram að sögn lögreglu.