Ásgeir og Snorri með fjögur hvor

Ásgeir Örn Hallgrímsson og Snorri Steinn Guðjónsson skoruðu hvor fjögur mörk er lið þeirra, GOG Svendborg, vann sigur á Ajax í Kaupmannahöfn, 39-31, í dönsku úrvalsdeildinni í handbolta í gær.

Þá vann Kolding sigur á Skjern, 29-27, í hinum leik gærkvöldsins í deildinni.

GOG er í níunda sæti deildarinnar með sextán stig og er þremur stigum frá Nordsjælland sem er í áttunda sætinu sem er það síðasta sem veitir þátttökurétt í úrslitakeppninni. Nordsjælland á einnig leik til góða.

Ajax er í botnsæti deildarinnar með fimm stig. Skjern er í fimmta sætinu og Kolding fjórða.