Árni vísar á Seðlabankann vegna Rússaláns

Árni Mathiesen, fyrrverandi fjármálaráðherra, kannast ekki við að ríkisstjórn Geirs H. Haarde hafi hafnað milljarða láni Rússa í upphafi október í fyrra. Hann vísar á Seðlabankann.

Í viðtali við vefsíðuna Netvarpið.is segir Victor I. Tatarintsev, sendiherra Rússlands á Íslandi, að eftir efnahagshrunið hafi Rússar boðið fram aðstoð sína eftir að þáverandi stjórnvöld hér á landi óskuðu eftir aðstoð. Um hafi verið að ræða lán upp á fjóra milljarða evra.

„Ég kannast ekki þetta," segir Árni í samtali við fréttastofu. Hann vísar á Seðlabankann sem hafi séð um samskiptinn við Rússa í tengslum við hugsanlegt lán.

Seðlabankinn sendi tilkynningu frá sér þann 7. október í fyrra um lán frá Rússum til Íslendinga. Það var dregið til baka samdægurs og sagt að viðræður myndu hefjast sem munu hafa staðið með hléum síðan þá.

Árni bendir á að bankinn hafi sent út fyrri tilkynninguna eftir samskipti Davíðs Oddssonar, þáverandi Seðlabankastjóra, og sendiherrans.