Hreiðar til Þýskalands

Landsliðsmarkvörðurinn Hreiðar Guðmundsson hefur gert tveggja ára samning við þýska handboltafélagið Emsdetten sem leikur í þýsku B-deildinni.

Það er Daninn Lars Walther sem þjálfar liðið, en hann lék á árum áður m.a. með KA hér á landi. Þegar Walther var að leita sér að nýjum markverði, sendi hann sínum gömlu félögum á Akureyri fyrirspurn um markvörðinn.

Í viðtali við staðarblaðið í Emstetten sagði þjálfarinn að hver sá sem væri nógu góður til að spila fyrir íslenska handboltalandsliðið, væri nógu góður fyrir Emstetten.

Hreiðar hefur síðustu tvö ár leikið sænska liðinu Savehof, en liðið er nú í eldlínunni í úrslitakeppninni þar í landi.