Guðjón Valur með átta mörk í sigri Rhein-Neckar Löwen

Guðjón Valur Sigurðsson er að spila mjög vel með liði Rhein-Neckar Löwen þessa daganna og í kvöld var hann markahæstur hjá liðinu í 34-33 sigri á HSV Hamburg.

Guðjón Valur skoraði 8 mörk í leiknum eða jafnmörg mörk og Mariusz Jurasik.  Guðjón Valur skoraði fjögur af mörkum sínum úr vítaköstum en hann nýtt öll vítin sín í leiknum.

Með sigrinum komst Rhein-Neckar Löwen upp fyrir Lemgo og upp í 3. sætið. Liðið er með 40 stig eða aðeins einu stigi minni en HSV Hamburg sem er í 2. sæti.

Kiel er í efsta sætinu í þýsku úrvalsdeildinnni en liðið er með tíu stigum meira en HSV Hamburg.