Þrisvar dópaður undir stýri á einni viku

Lögreglan á Akureyri greip tvítugan pilt í dag grunaðan um akstur undir áhrifum fíkniefna. Þetta er í annað skiptið á jafnmörgum dögum sem lögregla hefur afskipti af drengnum, því um hádegisbilið í gær var sami drengur stöðvaður fyrir sama brot. Þá tók lögregla hann einnig um síðustu helgi fyrir fíkniefnaakstur.

Að sögn lögreglu er því um einbeittan brotavilja að ræða, en það er ekki oft sem menn eru stöðvaðir þrisvar sinnum í einni viku fyrir akstur undir áhrifum fíknefna.

Pilturinn mun eiga einhver brot að baki, einkum tengd fíkniefnum.