Utandeildarliðið Carl fær Íslandsmeistara FH

Dregið var í 32-liða úrslit bikarkeppni KSÍ nú í hádeginu. Þar vakti helst athygli að eina utandeilarliðíð í pottinum, Carl, var dregið gegn Íslandsmeisturum FH.

Carl er skipað mörgum gömlum kempum úr boltanum, svo sem Tómasi Inga Tómassyni og Herði Má Magnússyni sem skoruðu mörk liðsins í 2-1 sigri á Kjalnesingum í 2. umferð bikarsins. Meðal annarra leikmanna má nefna Finn Kolbeinsson, Rút Snorrason, Sverri Sverrisson og Þorvald Makan.

Einn úrvalsdeildarslagur er á dagskrá en þar mætast lið Fylkis og Stjörnunnar. Þessi lið mættust nýlega í Pepsi-deild karla þar sem Stjarnan vann 2-1 sigur.

Þá mætast einnig lið Grindavíkur og ÍA en síðarnefnda liðið leikur í 1. deildinni. Önnur athyglisverð viðureign er slagur grannliðanna í Gróttu og KR.

32-liða úrslitin:

Keflavík - Einherji

Carl - FH

Grindavík - ÍA

Haukar - Fjarðabyggð

Hvöt - Breiðablik

Selfoss - Höttur

Þór - Víkingur Ó.

Fylkir - Stjarnan

Valur - Álftanes

KA - Afturelding

Víðir - Þróttur

ÍBV - Víkingur R.

Fram - Njarðvík

Reynir - KV

Fjölnir - HK

Grótta - KR