Andrés Magnússon framkvæmdastjóri SVÞ

Sigurður Jónsson mun láta af störfum framkvæmdastjóra Samtaka verslunar og þjónustu hinn 1. júní næstkomandi og taki að sér önnur verkefni fyrir atvinnurekendur. Andrés Magnússon, tekur við starfi hans. Andrés Magnússon er lögfræðingur að mennt og starfaði áður sem framkvæmdastjóri Félags íslenskra stórkaupmanna (FÍS).

Óskar Björnsson skrifstofustjóri SVÞ lætur af störfum í lok mánaðarins. Við hans starfi tekur Guðbjörg Sesselja Jónsdóttir.

Breytingarnar eru í samræmi við stefnumótun samtakanna sem miðar að aukinni starfsemi frá því sem verið hefur. Aukin verkefni og þjónusta skrifstofunnar kalla á fjölgun starfsmanna og því hefur verið ákveðið að bæta við stöðu lögfræðings. Því starfi mun Sigurður Örn Guðleifsson gegna, Sigurður er Cand.Jur og M.Sc. í umhverfisfræðum, segir í tilkynningu frá SVÞ.