Grænn dagur hjá Teymi

Úrvalsvísitalan rétti úr kútnum undir lok dags og við lokun Kauphallar hafði hún hækkað um 0.24 prósent. Mest hækkuðu bréf í Teymi en þau fóru upp um 0,96 prósent. Á bakvið það eru viðskipti upp á ríflega 850 þúsund krónur. Undanfarið hefur Teymi lækkað töluvert þannig að hækkun í dag, þó lítil sé, ætti að kæta fjárfesta. Kaupþing hækkaði um 0,94 en alls hækkuðu átta félög í dag.

Sjö félög lækkuðu og þar fóru fremst í flokki færeysku félögin Föroya Banki og Atlantic Petroleum. Hið fyrrnefnda lækkaði um 3,77 prósent og hið síðara um þrjú prósent.