Fjármálaráðherra er umhugað um fólkið

Árni Mathiesen segir ljóst að jarðskjálftinn í dag verði ræddur á fundi ríkisstjórnarinnar sem haldinn er á morgun. Árni er staddur á Selfossi til að kynna sér aðstæður og hafði einnig komið við í Hveragerði. Árni segir að eyðileggingin sé talsverð.

„Húsin hérna eru skemmd. Þú sér ekki mikið utan á þeim þó þau geti verið skemmd, en innan dyra er allt runnið niður, skápar og málverk, allt farið niður," segir Árni. Hann segist þó ekki gera sér nákvæmlega grein fyrir því hve mikil eyðileggingin er. „Ég er svo sem ekki búinn að leggja heildstætt mat á þetta. Ég hef meira verið að hugsa um fólkið, sérstaklega gamla fólkið," segir Árni.