Samdráttur á föstu verði

Á síðasta ári nam verðmæti útfluttra sjávarafurða 127 milljörðum króna, samkvæmt tölum Hagstofunnar. Verðmætaaukningin er 2,8 prósent frá fyrra ári. Sé framleiðslan hins vegar mæld á föstu gengi dróst hún saman um 2,3 prósent.

„Fluttar voru út sjávarafurðir að verðmæti 127,6 milljarða króna og jókst verðmæti þeirra milli ára um 2,6 prósent en dróst saman í tonnum um 6,3 prósent,“ segir jafnframt í frétt Hagstofunnar, en útflutt afurðaverðmæti allra aflategunda nema skel- og krabbadýra og flatfisks jókst frá fyrra ári. „Af heildarútflutningi sjávarafurða fóru 80 prósent til Evrópska efnahagssvæðisins, 6,2 prósent til Norður-Ameríku og 6,1 prósent til Asíu.“