Árni M. Mathiesen fjármálaráðherra segist hafa fylgst með mótmælum vörubílstjóra og vill helst að þeir kíki til sín í kaffi. Þetta kom fram í viðtali við Árna í Reykjavík Síðdegis á Bylgjunni í gær.

„Ég hef verið að fylgjast með þessu en finnst þetta ekki skemmtilegar aðferðir til þess að ná mínum eyrum. Það myndi alveg duga að spyrja hvort þeir mættu ekki koma í kaffi," sagði Árni í viðtalinu.

„Ég er tilbúinn til þess að ræða við þá um þessi mál en yrði glaðari að ræða við þá ef þæeir hættu þessum ósköpum á vegunum."

Hægt er að hlusta á viðtalið hér.