Alfesca hagnast um tvo milljarða fyrstu sex mánuðina

Hagnaður matvælafyrirtækisins Alfesca fyrstu sex mánuði fjárhagsárs fyrirtækisins nam 23,3 milljónum evra, eða rúmum tveimur millljörðum íslenskra króna. Það er hækkun um 31,9 prósent samkvæmt tilkynnngu frá félaginu. Forstjóri fyrirtækisins, sem er að mestu í eigu Ólafs Ólafssonar sem oftast er kenndur við Samskip, segist ánægður með afkomuna.

Velta á 2. ársfjórðungi nam 262,1 milljón evra sem er 11,5 prósenta hækkun og velta fyrstu sex mánuði ársins var 396,1 milljón evra sem nemur 14,2 prósenta hækkun. Þá nam söluvöxtur á samanburðargrundvelli 5,2 prósentum á 2. ársfjórðungi og 4,9 prósentum á fyrstu sex mánuðum ársins.

 

EBIDTA félagsins var rúmar 38 milljónir evra á tímabilinu og rúmar 45 milljónir evra fyrstu sex mánuði ársins. Þá var vöxtur EBIDTA fimm prósent á 2. fjórðungi og tíu prósent fyrsta hálfa árið.

 

Nettóhagnaður var 22,5 milljónir evra á 2. ársfjórðungi og jókst um 15,7 prósent og var 23,3 milljónir evra fyrstu sex mánuði ársins og hækkaði um 31,9 prósent.

 

„Afkoman í rekstri félagsins á hinum mikilvæga 2. ársfjórðungi og á fyrstu sex

 

mánuðum ársins var ánægjuefni og sérstaklega uppörvandi af þremur ástæðum," segir Xavier Govare, forstjóri Alfesca. „Í fyrsta lagi verður þessi góða afkoma á mikilvægasta ársfjórðungnum í rekstri Alfesca en sala á reyktum laxi og andalifur (foie gras) er árstíðabundin og nær hámarki á 2. ársfjórðungi.

 

Í öðru lagi endurspeglar góð afkoma mikilvægi stefnumörkunar okkar þar sem

 

áherslan er á fjórar meginstoðir rekstrarins sem hver einkennist af ákveðnum

 

sveiflum og sértækum áhættuþáttum. Þetta skipulag skapar stöðugleika í rekstri samstæðunnar þar sem meginstoðir rekstrarins styðja hver við aðra og stuðla að snurðulausri samþættingu nýrra fyrirtækja félagsins.

 

Í þriðja lagi hefur aukin sala og góð afkoma náðst við erfiðari markaðsaðstæður

 

en ríkt hafa um nokkurt skeið sem aftur má rekja til mikilla hækkana á hrávöruverði og samdrætti í neyslu í vætutíð sumarsins og yfir hátíðarnar."

 

Govare segir einnig að grundvöllur góðrar afkomu allra stoða rekstrarins megi rekja til stöðugrar áherslu á vöruþróun og aukna samkeppnishæfni.

 

„Búist er við að sala og markaðsaðstæður verði áfram erfiðar út almanaksárið

 

2008. Á sama tíma og við höldum til streitu áætlunum okkar um að efla félagið

 

enn frekar og auka virði hluthafa þess sýnir afkoma félagsins að það er vel í

 

stakk búið til að takast á við erfiðar ytri aðstæður. Við erum þess fullviss að

 

afkoma Alfesca verði áfram góð á seinni hluta fjárhagsársins," segir forstjórinn í fréttatilkynningu frá Alfesca.