VBS flytur starfsemi sína í Borgartún

VBS fjárfestingarbankihefur flutt starfsemi sína í nýtt húsnæði að Borgartúni 26. Bankinn var áður til húsa að Suðurlandsbraut en þar hafði hann haft aðsetur allt frá stofnun hans árið 1996.

 

 

Jón Þórisson, forstjóri VBS, segir að töluverðar breytingar hafi átt sér stað á starfsemi bankans að undanförnu. VBS hafi útvíkkað starfsemi sína verulega og því var þörfin eftir nýju húsnæði orðin aðkallandi. ,,VBS sinnir nú fleiri þáttum á sviði bankastarfsemi en áður, svo sem eignastýringu, lánastarfsemi, fyrirtækjaráðgjöf og markaðsviðskiptum. Viðskiptavinum hefur fjölgað ört, sem og viðfangsefnum. Það eru því spennandi tímar framundan hjá VBS í nýju húsnæði bankans í Borgartúni," segir Jón í tilkynningu