Hreiðar með bestu hlutfallsmarkvörslu mótsins

Hreiðar Guðmundsson er með bestu hlutfallsmarkvörslu allra markvarða eftir fyrstu þrjá keppnisdagana á EM í handbolta, samkvæmt opinberri heimasíðu mótsins.

Samkvæmt tölfræði heimasíðunnar hefur Hreiðar varið fimmtán af þeim 29 skotum sem hafa komið á hann sem gerir 52% hlutfallsmarkvörslu.

Steinar Ege, markvörður Noregs, er í öðru sæti með 48%. Hann hefur varið 43 af þeim 90 skotum sem hafa komið á hann.

Ege átti stórleik gegn Rússum þar sem Norðmenn unnu ellefu marka sigur en hlutfallsmarkvarsla hans í þeim leik var í kringum 60%.