ICEQ og Kaupþing semja um viðskiptavakt

ICEQ verðbréfasjóður hefur gert samning við Kaupþing banka hf. um viðskiptavakt á útgefnum hlutdeildarskírteinum sjóðsins fyrir eigin reikning. Tilgangurinn með viðskiptavaktinni er að efla viðskipti með hlutdeildarskírteini sjóðsins í Kauphöll Íslands hf.

Kaupthing banki hf. skuldbindur sig til að setja daglega fram kaup- og sölutilboð að lágmarki 75 milljón kr að markaðsvirði. Kaupþing banki hf. mun leitast við að hafa mun á kauptilboði og innlausnarvirði ICEQ eins lítinn og möguleiki er.

Kaupþing banki hf. skuldbindur sig einnig til þess að endurnýja tilboð sín í ICEQ innan 3ja mínútna ef útistandandi tilboðum er tekið. Hámarksfjárhæð heildarviðskipta dag hvern sem Kaupþing banki hf. er skuldbundinn til að kaupa eða selja skal vera 500 milljónir kr.