Heiðar Davíð með forystu í Eyjum

Heiðar Davíð Bragason úr GR hefur forystu á Íslandsmótinu í höggleik sem stendur yfir í Vestmannaeryjum. Hann lék hringinn í dag á 67 höggum, eða 3 höggum undir pari.

Björgvin Sigurbergsson, sem átti þrjú högg á Heiðar eftir fyrsta hringinn, hefur lokið við fyrri níu í dag þegar þetta er skrifað og lék hann þær á 3 höggum yfir pari. Hann er núna 3 höggum á eftir Heiðari Davíð.

„Það er mjög gaman að koma heim og spila, spjalla við félagana og tala íslensku," sagði Heiðar, sem býr ásamt fjölskyldu sinn í Lúxemborg, í samtali við kylfingur.is.

Fylgst er vel með mótinu á vefsíðunni kylfingur.is.