Þorirðu ekki að opna þau?

Að steypa sér í skuldir er auðvelt. Að koma sér upp úr skuldafeninu er mun erfiðara. Ef þú þorir ekki að opna gluggaumslögin er það vísbending um að þú verðir að leita þér aðstoðar sem fyrst.

Greiðsluerfiðleikar eru vaxandi vandamál hér á landi og það er mikilvægt að grípa strax inn í áður en vandamálið verður óyfirstíganlegt. Allir geta á lífsleiðinni lent í erfiðleikum með fjármálin sín. Ýmis óvænt atvik geta komið upp sem breyta öllu varðandi fjárhaginn, t.d. veikindi, atvinnuleysi, óvænt tekjulækkun, skilnaður og fleira.

Átaksvika Hjálparsíma Rauða krossins 1717 fjallar að þessu sinni um greiðsluörðugleika og er unnin í samstarfi við Ráðgjafarstofu um fjármál heimilanna. Ætlunin er að auðvelda fólki í greiðsluörðugleikum að stíga fyrstu skrefin til að leita sér aðstoðar. Hjálparsíminn er alltaf opinn, það kostar ekkert að hringja í 1717 og trúnaður er alger. Þeir sem hringja í Hjálparsímann geta létt á hjarta sínu og fengið leiðbeiningar um hvernig þeir eigi að leita sér aðstoðar Ráðgjafarstofu vegna greiðsluerfiðleika.

Það er brýnt samfélagslegt kappsmál að aðstoða þá sem eiga í greiðsluerfiðleikum. Sextán aðilar koma að rekstri Ráðgjafarstofu um fjármál heimilanna og þar á meðal er Rauði kross Íslands. Ráðgjöf vegna greiðsluerfiðleika hjá Ráðgjafarstofu er endurgjaldslaus og óháð búsetu umsækjanda. Þeir sem búa á höfuðborgarsvæðinu koma í viðtöl, en þeim sem búa á landsbyggðinni gefst kostur á að póstsenda mál til stofunnar. Einnig er símaráðgjöf alla virka daga kl. 9.00-12.00 og 13.00-15.00. Netspjall er á heimasíðu (www.rad.is) á sama tíma.

Mikilvægt er að gera eitthvað strax varðandi greiðsluerfiðleika - ekki bíða. Eftir því sem beðið er lengur er verið að búa til stærra vandamál sem erfiðara verður að leysa. Hringdu í Hjálparsíma Rauða kross Íslands 1717 og þú ert kominn nær því að leysa vandann.

Helga er sviðsstjóri innanlandssviðs Rauða kross Íslands og Ásta er forstöðumaður Ráðgjafarstofu um fjármál heimilanna.

Það er brýnt samfélagslegt kappsmál að aðstoða þá sem eiga í greiðsluerfiðleikum. Sextán aðilar koma að rekstri Ráðgjafarstofu um fjármál heimilanna og þar á meðal er Rauði kross Íslands. Ráðgjöf vegna greiðsluerfiðleika hjá Ráðgjafarstofu er endurgjaldslaus og óháð búsetu umsækjanda. Þeir sem búa á höfuðborgarsvæðinu koma í viðtöl, en þeim sem búa á landsbyggðinni gefst kostur á að póstsenda mál til stofunnar. Einnig er símaráðgjöf alla virka daga kl. 9.00-12.00 og 13.00-15.00. Netspjall er á heimasíðu (www.rad.is) á sama tíma.

Mikilvægt er að gera eitthvað strax varðandi greiðsluerfiðleika - ekki bíða. Eftir því sem beðið er lengur er verið að búa til stærra vandamál sem erfiðara verður að leysa. Hringdu í Hjálparsíma Rauða kross Íslands 1717 og þú ert kominn nær því að leysa vandann.

Helga er sviðsstjóri innanlandssviðs Rauða kross Íslands og Ásta er forstöðumaður Ráðgjafarstofu um fjármál heimilanna.