FL Group: 10. mars 2005 - 4. júlí 2008

Nafni FL Group hefur verið kastað fyrir róða í umfangsmiklum breytingum á félaginu sem staðið hafa yfir frá því skömmu fyrir síðustu jól. Það heitir nú Stoðir eignarhaldsfélag.

FL Group var skráð sem slíkt í rétt rúm þrjú ár. Nafnið var tekið upp á aðalfundi félagsins í mars fyrir þremur árum og var Flugleiða-nafninu þá lagt til hliðar. FL Group, sem á árum áður hafði verið fremur hefðbundið flugrekstrarfélag sem einbeitti sér að gangi Icelandair, varð að alþjóðlegu fjárfestingarfélagi með stöður í flugrekstri víða um heim, drykkjavörugeiranum, verslanarekstri og í fjármálastarfsemi.

Með sölu og skráningu Icelandair á markað árið 2006 var FL Group hreint fjárfestingafélag með ráðandi stöðutökur í bandarísku flugrekstrarsamstæðunni AMR, móðurfélagi ein stærsta flugfélagi heims og þýska bankanum Commerzbank. Þá er þriðjungseign í Glitni, Tryggingamiðstöðin og annað ótalið. Ósagt skal látið hvort flogið hafi verið of hátt. Smám saman kvarnaðist úr eignasafninu. Sama ár hrundi undan fyrirtækjasamstæðunni eftir mikið háflug og félagið skilaði mettapi. Hér verður litið yfir sögu FL Group samkvæmt tilkynningum til Kauphallar Íslands til dagsins í dag.