Iceland Express hættir flugi frá Egilsstöðum

Iceland Express hefur ákveðið að hætta áætlunarflugi frá Egilsstöðum til Kaupmannahafnar vegna dræmrar sölu á flugerðum á þessari áætlunarleið. ,,Mér finnst heimamenn ekki taka nægilega vel við sér. Það virðist ekki vera þörf á Egilsstöðum fyrir svona flug þannig að við tókum þá ákvörðun að hætta því flugi." Þetta sagði Matthías Imsland, framkvæmdastjóri Iceland Express, í samtali við Sindra Sindrason Í lok dags hér á Vísi.

Matthías segir að þróunin hafi verið allt önnur á Akureyri þar sem heimamenn hafi tekið vel við sér. Þess vegna verði flugið styrkt fyrir norðan og jafnvel komi til greina að fljúga til fleiri staða frá Akureyri.