Búið að loka Ölfusárbrúnni

Samkvæmt upplýsingum frá lögreglunni á Selfossi er búið að loka Ölfusárbrúnni á meðan verið er að kanna skemmdir á hennni. Einnig hefur vegur við gosströnd farið í sundur sem og á veginum við Eyrarbakka.

„Hér er allt í hershöndum og þetta er klárlega öflugasti skjálfti sem ég hef upplifað," sagði varðstjóri á lögreglustöðinni á Selfossi þegar Vísir náði við hann sambandi.

„Það hrundi allt yfir mann, bæði úr hillum og sjónvarpið datt í gólfið."

Lögreglan segir að ekki hafi frést af meiðslum á fólki eða öðrum slysum.

Þeir sem hafa einhverjar fréttir af skjálftanum eru hvattir til þess að hafa samband við Vísi í síma 512-5203 eða ritstjorn@visir.is.