Bear Stearns spáir sterkari krónu

Krónan kann að styrkjast um 8 prósent gagnvart evru á næstu þremur mánuðum gangi eftir ný spá bandaríska fjárfestingarbankans Bear Stearns.

Bloomberg fréttaveitan hefur eftir Steve Barrow, sérfræðingi bankans, að krónan hafi „trúlega fallið nóg" eftir 30 prósenta veikingu frá því í byrjun árs.

„Ég býst ekki við frekari veikingu þar sem horfur í heiminum eru ívið betri," segir hann og kveður aðstæður nú reyna á „sársaukamörk" þeirra sem skortselt hafa gjaldmiðla, en þá veðja fjárfestar á veikingu gjaldmiðils.

Bear Stearns hefur verið tengdur umræðu um skortstöður og meintar árásir vogunarsjóða á íslenskt efnahagslíf.