Kaupþing selur réttinn að hlutum sínum í Exista

Kaupþing hefur selt Bakkabraedur Holding B.V. rétt sinn að nær öllum nýjum hlutum í Exista sem bankinn átti að fá greidda fyrir hluti sína í Skiptum hf.

Samkvæmt skilmálum yfirtökutilboðs Exista er bankinn gekk að 31. mars 2008. Kaupverð miðast við lokagengi Exista í gær, 29. maí 2008, sem var 10,12 krónur á hlut.

Kaupþing átti rétt á 1.301.769.147 nýjum hlutum, eða sem nemur 9,18% af heildarhlutafé í Exista að teknu tilliti til fyrirhugaðrar hlutafjárhækkunar félagsins.

Bankinn hefur nú gengið að tilboði Bakkabraedur Holding B.V. um að kaupa rétt bankans að 1.271.961.953 nýjum hlutum (8,97%) sem leiðir til þess að eignarhlutur Bakkabraedur Holding B.V. í Exista helst óbreyttur eftir útgáfu nýrra hluta í Exista í tengslum við yfirtöku á Skiptum hf.

Bakkabraedur Holding B.V. er eignarhaldsfélag þeirra Lýðs og Ágústar Guðmundssona.