Saga Capital annast viðskiptavakt fyrir Össur hf.

Össur hf. hefur samið við Saga Capital Fjárfestingarbanka um að Saga Capital annist viðskiptavakt með hlutabréf Össurar fyrir eigin reikning Saga Capital.  

Í samningi um viðskiptavakt felst að Saga Capital setur daglega fram kaup- og sölutilboð í hlutabréf Össurar í því skyni að markaðsverð skapist á hlutabréfunum og verðmyndun verði með skilvirkum og gagnsæjum hætti.

 

Í tilkynningu um málið segir að skilmálar viðskiptavaktasamningsins eru eftirfarandi: Saga Capital skuldbindur sig til að setja daglega fram kaup- og sölutilboð í hlutabréf Össurar að lágmarki kr. 200.000 að nafnverði á verði sem Saga Capital ákveður í hvert skipti. Hámarksmunur á kaup- og sölutilboðum skal ekki vera meiri en 1,25%.

 

Frávik frá síðasta viðskiptaverði skal ekki vera meira en 2,0%. Hámarksfjárhæð heildarviðskipta dag hvern skal vera 150 milljónir kr. að markaðsvirði.