Birgir Leifur komst ekki áfram

Birgir Leifur Hafþórsson komst ekki í gegn um niðurskurðinn á meistaramótinu í Ástralíu. Hann lék annan hringinn á mótinu á 73 höggum eða einu höggi yfir pari og var því samtals á fjórum höggum yfir pari eftir fyrstu tvo hringina.

Birgir lék fyrri hringinn á mótinu á þremur yfir pari, en byrjaði síðari hringinn illa. Hann náði þó góðum endaspretti og lék síðari níu holurnar á öðrum hringnum á þremur undir - en var samt þremur höggum frá því að komast í gegn um niðurskurðinn.

Næsta mót hjá Birgi er í Suður-Afríku eftir um það bil tvær vikur.