Kaupþing hyggst fækka störfum enn frekar

Kaupþing býst við því að ljúka fjármögnun fyrir áriið 2009 í ágúst og búist er við að fyrirtækið segi upp starfsfólki til að ná markmiðum sínum. Þetta hefur breska blaðið Gurdian eftir Hreiðari Má Sigurðssyni, forstjóra Kaupþings.

Í frétt Guardian er greint frá því að Kaupþing hafi hagnast um 18,7 milljarða íslenskra króna á fyrsta fjórðungi ársins 2008, sem sé nánalst tvöfaldur hagnaður á við síðasta fjórðung ársins 2007 og næstum jafn mikill hagnaður og á fyrsta fjórðungi 2007.

Hreiðar sagði í samtali við Reuters fréttastofuna á miðvikudaginn að gert væri ráð fyrir að skera niður rekstrarkostnað um 10% á næsta fjórðungi. Hann segir jafnframt að starfsfólki hefði verið fækkað að undanförnu og því yrði haldið áfram. Hann neitaði hins vegar að gefa upp hve mikið störfum yrði fækkað.