Heimskir eða fáfróðir

"Greiningaraðilinn hlýtur annað hvort að vera heimskur eða algjörlega fáfróður um íslenska banka. Það þarf bara að fara inn á heimasíðu okkar til að sjá hvernig lykiltölurnarnar hjá Kaupþingi eru," segir Sigurður Einarsson, stjórnarformaður Kaupþings við Börsen í svari við greiningu aðalgreinanda Saxo Bank á Kaupþing sem birtist á vef blaðsins í dag.

Samvkæmt Börsen getur spá Saxo Bank verið mjög skaðleg fyrir Kaupþing en þar er því spáð að Kaupþing geti orðið gjaldþrota á þessu ári.

"Við höfum kannski tekið meiri áhættu en margir aðrir hafa gert. En það réttlætir ekki þessa dómsdagsspá," segir Sigurður.