Örn: Er að gera eitthvað vitlaust

Örn Arnarson sagði eftir keppni í 100 metra skriðsundi í morgun að síðustu 25 metrarnir hafi reynst sér erfiðir.

“Fyrstu 75 metrarnir voru helvíti góðir. Svo var bara eins og ég hefði keyrt á vegg rétt eins og með baksundið. Í kjölfarið horfði ég bara á gaurinn við hliðina á mér hverfa,” sagði Örn sem náði ekki að bæta Íslandsmet sitt og hefur nú lokið keppni á Ólympíuleikunum í Peking. Honum gekk einnig illa í 100 metra baksundinu.

“Það er eitthvað sem ég er að gera vitlaust því bæði sundin hjá mér enda eins. Maður lærir eitthvað á þessu eins öllu öðru.”