Spáir óbreyttum stýrivöxtum enn um sinn

Greining Landsbankans spáir því að stýrivöxtum verði haldið óbreyttum enn um sinn. En um áramótin verði þeir komnir niður í 14,75%.

Gengisþróun krónunnar og vísbendingar um þróun eftirspurnar á næstu vikum og mánuðum ræður því hvenær vaxtalækkunarferlið hefst.

Að sögn greiningarinnar munu allra nýjustu vísbendingar um einkaneyslu, þ.e. kortavelta, dagvöruvelta og nýskráningar bíla, benda til þess að eftirspurn sé farin að dragast saman.

Greiningin reiknar með að lækkunarferlið geti hafist í nóvember. Samkvæmt spá hennar verða stýrivextir um 14,75% í lok árs og 9% í lok næsta árs.