Björgólfur Thor í hádegisviðtali: Lánadrottnar stjórna - ekki hluthafar

Athafnamaðurinn Björgólfur Thor Björgólfsson verður gestur Sindra Sindrasonar í hádegisviðtali Markaðarins í dag. Þar fer hann yfir stöðuna á fjármálamörkuðum og tjáir sig um "kreppuna" sem ríkir í heiminum.

Miklar sögusagnir hafa verið í gangi um sameiningar íslenskra banka. Björgólfsfeðgar eru kjölfestufjárfestar í Landsbankanum og Straumi-Burðarás og hefur mikið verið rætt um mögulega sameiningu þessara tveggja banka.

Björgólfur Thor segir það ekki hafa verið rætt enda sé það varla gerlegt eins og staðan er í fjármálaheiminum í dag. „Staðreyndin er sú að í dag stjórna lánardrottnar félögum - ekki hluthafar. Lánardrottnar bankanna eru ekki á Íslandi og þeir eru í krísu," segir Björgólfur Thor í viðtalinu sem verður sýnt í hádeginu hér á Vísi.