Bensínverð hækkar - dauðaslysum í umferð fækkar

Ný rannsókn í Bandaríkjunum leiðir í ljós að dauðaslysum í umferðinni gæti fækkað um þriðjung vegna nýlegra hækkana á heimsmarkaðsverði á olíu.

Rannsóknina gerðu þeir Michael Morrisey, prófessor við háskólann í Alabama og David Grabowski, prófessor í læknaskóla Harvard. Þeir fundu út að þegar bensínverð hækkar um tíu prósent fækkar dauðaslysum um 2,3%.

Tölfræðin er jafnvel enn meira sláandi þegar litið er á ökumenn á aldrinum frá 15-17. Þar fækkar dauðaslysum um sex prósent.

Við gerð rannsóknarinnar skoðuðu þeir dauðaslys í umferðinni frá 1985 til 2006. Þá náði bensínið hæst 2,50 dollarar gallonið. Nú kostar bensínið í Bandaríkjunum 4 dali gallonið. Prófessorarnir spá því eitt þúsund færri dauðaslysum á mánuði nú en á umræddu tímabili.

"Ég held það sé samhengi milli hærri bensínskatta og betri heilsu almennings," sagði David Grabowski en varaði við að fjölgun milli, léttari bíla, mótorhjóla og vespna gæti haft áhrif á tölfræðina og gert slys alvarlegri.

Hann sagði þó skýrt orsakasamhengi milli slysa og lækkun bensínverðs. "Þá kaupum við stærri bíla, keyrum meira, hraðar og dauðaslysum fjölgar."