SPRON lækkaði mest í dag

Sautján félög lækkuðu í Kauphöllinni í dag. Lækkaði SPRON þeirra mest eða um 3,93 prósent og stendur gengi bréfa félagsins í 6,60.

Færeyski bankinn lækkaði einnig um 2,86 prósent og Icelandic Group um 2,34 prósent. Exista lækkaði um 2,18 prósent.

Atlantic Petroleum hækkaði um 6,32 prósent og Century Aluminum Company um 1,69 prósent. Marel hækkaði um 0,9 prósent og Eimskip um 0,15 prósent.

Mest voru viðskipti með bréf í Kaupþingi og Glitni.

Úrvalsvísitalan lækkaði um 1,08% og stendur nú í rúmum 5404 stigum.