Landsbankaútibú sameinuð í Hamraborg

Útibú Landsbankans við Háaleitisbraut og Hamraborg hafa verið sameinuð. Fyrsti starfsdagur í sameinuðu útibúi, sem er til húsa í Hamraborg 8, er í dag, mánudaginn 21. júlí.

Í tilkynningu um málið segir að starfsmenn Háaleitisútibús hafi fært sig um set og munu þjónusta viðskiptavini sína áfram á nýjum stað ásamt öðrum starfsmönnum útibúsins í Hamraborg. Ekki kemur til neinna uppsagna í tengslum við sameininguna.

Tveir útibússtjórar stýra sameinuðu útibúi í Hamraborginni. Margrét Gísladóttir hefur yfirumsjón með einstaklingsviðskiptum og Yngvi Óðinn Guðmundsson með viðskiptum við fyrirtæki.