Minnsta íbúðasala síðan árið 1985

Í síðustu viku var 27 samningum um kaup á húsnæði þinglýst og nam upphæð samninganna samtals 685 milljónir kr. Þetta er umsvifaminnsta vika ársins og leita þarf aftur til desembermánaðar árið 1985 til að finna færri kaupsamninga á einni viku.

Greining Glitins fjallar um málið í Morgunkorni sínu. Þar segir að velta á íbúðamarkaði hefur verið að dragast saman með haustinu eftir að fjármálakreppan brast á.

Í nóvember í ár voru gerðir samtals 170 kaupsamningar um húsnæði en í nóvember fyrir ári síðan voru gerðir 745 samningar. Velta á fasteignamarkaði á höfuðborgarsvæðinu var því tæplega 80% minni í nóvember en á sama tíma fyrir ári.

Samkvæmt upplýsingum Seðlabankans tvöfaldaðist meðalsölutími á íbúðarmarkaði í nóvember frá fyrri mánuði þar sem bæði eignum sem auglýstar voru til sölu fjölgarði og velta minnkaði.