Heiðar og Eygló í forystu í Eyjum

25. júlí 2008 19:25

Heiðar Davíð Bragason og Eygló Myrra Óskarsdóttir hafa forystu þegar Íslandsmótið í höggleik er hálfnað í Vestmannaeyjum.

Heiðar Davíð Bragason GR leiðir keppnina í karlaflokki, en hann lék hringinn í dag á 67 höggum, eða 3 höggum undir pari. Hann lék á 69 höggum í gær og því samtals á 136 höggum 4 höggum undir pari.

Staðan hjá körlunum eftir 36 holur leiknar:

Eygló Myrra Óskarsdóttir leiðir enn í kvennaflokki en hún spilaði á 79 höggum í dag . Tinna Jóhannsdóttir úr GK lék á 77 höggum í dag hún hefur náð að saxa verulega á forskot Eyglóar Myrru Óskarsdóttur sem nú leiðir með einu höggi. Á sama skori og Tinna eru þær Nína Björk Geirsdóttir GKJ og Helena Árnadóttir GR allar á 14 yfir pari.

Staðan í kvennaflokki:

1. Eygló Myrra Óskarsdóttir GO 153

2. Tinna Jóhannsdóttir GK 154

3. Nína Björk Geirsdóttir GKJ 154

4. Helena Árnadóttir GR 154

5. Ásta Birna Magnúsdóttir GK 155

6. Ragnhildur Sigurðardóttir GR 158

7. Ragna Björk Ólafsdóttir GK 159

8. Þórdís Geirsdóttir GK 160

9. Valdís Þóra Jónsdóttir GL 162

10. Andrea Ásgrímsdóttir GA 162

11. Guðrún Brá Björgvinsdóttir GK 165

12. Hanna Lilja Sigurðardóttir GR 166

13. Guðrún Pétursdóttir GR 167

14. Heiða Guðnadóttir GS 170

15. Ingunn Gunnarsdóttir GKG 179

Að loknum leik í dag verður niðurskurður í karlafokki þannig að þeir sem hafa 72 keppendur með lægsta skor halda áfram keppni.

Ef keppendur eru jafnir í 72. sæti skulu þeir báðir/allir halda áfram. Þó skulu leikmenn ætíð fá að halda áfram keppni séu þeir 10 höggum eða minna á eftir þeim keppanda sem er í 1. sæti.

Í kvennaflokki er fækkað með sama hætti í 18 keppendur eftir 36 holu leik þess gerist þó ekki þörf að þessu sinni því keppendur í kvennaflokki eru 16.

Beinar sjónvarpsútsendingar á Stöð 2 Sport verða frá mótinu frá kl 15:00 laugardag og sunnudag eins og undanfarin ár. Útsendingin eru mjög viðamikil en reiknað má með að um 60 manns vinni að útsendingunum, við upptökur, upplýsingastreymi og fleira.

Golf.is mun áfram birta skor á þriggja holu fresti þangað til yfir líkur og Íslandsmeistarar í höggleik 2008 verða krýndir um kl 18:00 á sunnudaginn.