Engin skerðing hjá Frjálsa lífeyrissjóðinum

Frjálsi lífeyrissjóðurinn, sem rekinn er af eignastýringu Kaupþings, hefur lokið endurmati eigna í samráði við löggilta endurskoðendur. Samkvæmt bráðabirgðaútreikningum þarf ekki að skerða réttindi eða lífeyri sjóðfélaga í samtryggingahluta sjóðsins. Sjóðfélagar eru rúmlega 40 þúsund.

Í tilkynningu um málið segir að fjármálakreppan hafi haft áhrif á lífeyrissjóðinn en aðgerðir í eignastýringu Kaupþings, sem er rekstraraðili sjóðsins, hafa á undanförnum tveimur árum miðað að því að minnka marksvisst áhættu. Með auknu vægi ríkisskuldabréfa og kerfisbundinni sölu á hlutabréfum hefur tekist að draga verulega úr áhrifum fjármálakreppunnar á eignasafn Frjálsa lífeyrissjóðsins.

Vegna fjármálakreppunnar hafa allar eignir Frjálsa lífeyrissjóðsins verið metnar upp á nýtt. Ljóst er að kreppan hefur haft nokkur áhrif til lækkunar á virði eigna. Við endurmatið er varúðar gætt og vonir standa til að niðurfærsla á eignum verði minni er reiknað er með.